មើលអត្តចរិត ជំនឿ និស្ស័យ តាមរយៈ ថ្ងៃ ខែ ឆ្នាំកំណើត

មើលអត្តចរិត តាមរយៈ ខែ ឆ្នាំកំណើត

១. សំរាប់អ្នកដែលកើតក្នងខែ មករា

អ្នកជាមនុស្សម្នាក់ ដែលមិនចេះពឹងផ្អែក លើអ្នកដ៏ទៃ ច្រើនពូកែញែកវែក និងចូលចិត្ត ដឹកនាំគេ ។ មិនតែប៉ុណ្ណោះអ្នកជាមនុស្ស ក្បាលរឹង ចចេសរឹងរូស មានមហិច្ឆិតាខ្ពស់ និងជាមនុស្សដែលប្រាកដ ប្រជាច្បាស់លាស់ ។ បន្ថែមពីនេះទៅទៀត អ្នកមិនដែល សំលឹងមើលគុណវិបត្តិ និងភាព ទន់ខ្សោយ របស់អ្នកដ៏ទៃនោះទេ ។ 

អ្នកដែលកើតក្នុងខែមករានេះ អាចនិយាយ បានថាជាមនុស្សឩស្សាហ៍ ព្យាយាម ឆ្លាត របៀបរៀបរយ ស្រលាញ់ក្មេងៗ ហើយតែងតែ ធ្វើអោយ មនុស្សជុំវិញខ្លួន សប្បាយចិត្ត ។

២. សំរាប់អ្នកដែលកើតក្នុងខែ កុម្ភៈ

ជាមនុស្សដែលពិបាកយល់ ឆ្លាត មានភាពទាក់ទាញ ស៊ិចស៊ី ចូលចិត្តភាពស្ងៀមស្ងាត់ អៀនច្រើន ស្មោះត្រង់ យុត្តិធម៌ និងស្រលាញ់សេរីភាព ។ ប៉ុន្តែពេលខ្លះ អ្នកជាមនុស្សគិតច្រើន និងឆាប់ឈឺចាប់ ចូលចិត្តស្រមៃច្រើន និងមានភាពសង្ឃឹមសម្រាប់ខ្លួនឯងជានិច្ច ។

តាមអ្នកវិទ្យាសាស្រ្ត និយាយថា ទារក ដែលកើត ក្នុងខែនេះភាគច្រើន មានទំនោរខាងសិល្បះ ហើយជាពិសេសពួកគេ ចូលចិត្តម៉ោងពេលល្ងាច ជាងពេលថ្ងៃ ដោយសារតែពួកគេ នៅក្នុងពោះម្តាយ គឺ ខ្វះពន្លឺអាទិត្យ ។

៣. សំរាប់អ្នកដែលកើតក្នុងខែ មិនា

អ្នកជាមនុស្សដែលទាក់ទាញ ស៊ិចស៊ី ចិត្តសប្បុរស អៀនមិនសូវមាត់ក មានចិត្តស្មោះ ចិត្តល្អ ស្រលាញ់ សន្តិភាព ។ មនុស្សដែលកើតក្នុងខែ មិនា នេះ ជាមនុស្សចេះប្រុងប្រយ័ត្នខ្ពស់ ចូលចិត្តដើរកំសាន្តច្រើន ។ 

បើតាមអ្នកវិទ្យាសាស្រ្ត បាននិយាយថា អ្នកដើលកើតក្នុងខែនេះ ភាគច្រើនជួបបញ្ហាកើតហឺត ពីព្រោះម្តាយខ្វះ វីតាមីន D នៅពេលទារកនៅក្នុងពោះ ។ ចំពោះការខ្វះជាតិវិតាមីន D វាអាចប៉ះពាល់ ដល់ប្រព័ន្ធខួរក្បាល និងបណ្តាលអោយមានការឈឺចាប់តិចតួច ហើយក្មេងៗ ក៏មិនសូវមានពិន្ទុល្អ នៅក្នុងសាលារៀនក៏អាចថាបានដែរ ។

៤. សំរាប់អ្នកដែលកើតក្នុងខែ មេសា

ជាមនុស្សសកម្ម ស្វាហាប់ មិនរួញរា ទាក់ទាញ រឹងមាំ រាក់ទាក់ ចេះដោះស្រាយ នូវបញ្ហាអ្នកដ៏ទៃ បានថែមទៀតផង ។ លើសពីនេះ អ្នកជាមនុស្សក្លាហាន ចូលចិត្តផ្សងព្រេងច្រើន ប៉ុន្តែអ្នកជាមនុស្ស ឆាប់ផ្ទុះកំហឹង ឆេវឆាវ ហើយអ្នកតែងតែមានអាការៈឈឺក្បាល 

៥. សំរាប់អ្នកដែលកើតក្នុងខែ ឩសភា

ជាមនុស្សក្បាលរឹង ឆាប់ខឹង មានភាពទាក់ទាញ ចូលចិត្តស្រមៃ មានប្រាជ្ញាខ្ពស់ ។ ពេលខ្លះ អ្នកតែងតែ ឈឺត្រង់ ត្រចៀក និង ក ជាដើម ។ ជាពិសេស អ្នកមិនចូលចិត្តសម្ងំ ក្នុងផ្ទះនោះទេ ហើយទេពកោសល្យរបស់អ្នក ចូលចិត្តខាងតន្រ្តី អ្នកសិល្បះ និងជាអ្នកនិពន្ធ ជាដើម ។ 

តាមអ្នកវិទ្យាសាស្រ្ត បាននិយាយថា អ្នកដែលកើតក្នុងខែ ឩសភា នេះ អាចងាយកើតជម្ងឺទឹកនោមផ្អែម និង ជម្ងឺអៀស៊ីភ្នែកផងដែរ ។

៦. សំរាប់អ្នកដែលកើតក្នុងខែ មិថុនា

ជាមនុស្សចូលចិត្ត គិតវែងឆ្ងាយ សុភាពរាបសារ មានគំនិតច្រើនសកម្ម ។ មិនតែ ប៉ុណ្ណោះ អ្នកជាមនុស្ស ទំរើស និងចូលចិត្តធ្វើអ្វី ដែលអស្ចារ្យ មនុស្សកំប្លែង ចូលចិត្តការសប្បាយ រាក់ទាក់ ចូលចិត្តបង្កើនមិត្តភ័ក្រ្្ត ឆាប់ឈឺចាប់ ឆាប់ធុញ មួម៉ៅច្រើន មិនចូលចិត្តក្មេងៗ និងមិនសូវបង្ហាញអំពី អារម្មណ៍ពិត របស់ខ្លួនចេញមកនោះទេ ។

ជាពិសេសអ្នកជាមនុស្សពោរពេញ ដោយភាពរ៉ូមែនទិច ហើយក៏ជាមនុស្សប៉ិន ប្រច័ណ្ឌផងដែរ ។ ចំពោះអាជិពការងារ ដែលសាកសមនិងអ្នក គឺបែបឆ្នៃប្រឌិត និងសិល្បះជាដើម ។

៧. សំរាប់អ្នកដែលកើតក្នុងខែ កក្កដា

ជាមនុស្សលាក់គំនិត ពេលខ្លះពិបាកយល់ ចិត្តរបស់អ្នកណាស់ ប៉ុន្តែអ្នកជាមនុស្សស្មោះត្រង់ មិនចេះ លាក់លៀមច្រើន ចេះយល់អារម្មណ៍អ្នកដ៏ទៃ ប៉ិនប្រសប់ រាក់ទាក់ មោះមុត ។ ជាពិសេស ចូលចិត្តវិនិច័្ឆយ នរណាម្នាក់ តាមរយៈការសង្កេត ចេះអាណិតអាសូរ ដល់អ្នកដ៏ទៃ ថែមទៀត ហើយ ចេះខ្វល់ខ្វាយ ដល់គ្រួសារ យ៉ាងខ្លាំងផងដែរ ។

ទារកដែលកើតក្នុងខែ កក្កដា នេះ ភាគច្រើន ពួកគេអាចសំលឹងមើលបានតែនៅជិតៗ តែប៉ុណ្ណោះ ហើយត្រូវពាក់វែនតា ពីព្រោះពួកគេ មិនបានទទួលពន្លឺព្រះអាទិត្យគ្រប់គ្រាន់ តាំងពីនៅក្នុងផ្ទៃម្តាយ។

៨. សំរាប់អ្នកដែលកើតក្នុងខែ សីហា

អ្នកជាមនុស្សចូលចិត្តកំប្លែង ទាក់ទាញ មានសុជីវធម៌ខ្ពស់ ក្លាហាន ចិត្តល្អ គិតតែប្រយោជន៍ខ្លួន និង ខ្វល់ខ្វាយច្រើន ។ ជាពិសេសអ្នកឆាប់ខឹង ឆាប់ប្រច័ន្ធ មានការប្រុងប្រយ័ត្នខ្ពស់ គិតបានរហ័ស មិនចូលចិត្តពឹងពាក់គេ ។ មិនតែប៉ុណ្ណោះអ្នកជាមនុស្សរ៉ូមែនទិកម្នាក់ និងចូលចិត្តបង្កើតមិត្តភក្ត ។ បើខាងទេពកោសល្យសំរាប់អ្នកវិញ គឹផ្នែកសិល្បះ តន្រ្តី សាក់សមនឹងខ្លួនអ្នក។

៩. សំរាប់អ្នកដែលកើតក្នុងខែ កញ្ញា

អ្នកចូលចិត្តដោះស្រាយបញ្ហាដោយសន្តិវិធី ចេះប្រុងប្រយ័ត្នខ្ពស់ មានរបៀបរាបរយ ស្ងៀមស្ងាត់អត់ធ្មត់ អាណិតអាសូរភក្តី មានទំនុកចិត្តខ្ពស់ មានការចងចាំល្អ ឆ្លាត និង​មាន​ចំណេះដឹងខ្ពស់ ជាពិសេស អ្នកចូលចិត្តខាងកីឡា និង ដើរលំហែរកាយច្រើន ។ ប៉ុន្តែភាពទន់ខ្សោយរបស់អ្នក គឺកើតទុកច្រើន ។ 

បន្ថែមពីនេះទៅទៀត អ្នកជាមនុស្ស ទំរើសម្នាក់ ជាពិសេសគឺខាងទំនាក់ទំនងតែម្តង ។

១០. សំរាប់អ្នកដែលកើតក្នុងខែ តុលា

ជាមនុស្សឆាប់ខឹងម្តងម្កាល តែងតេបង្កើតមិត្តភក្ត ភក្តីភាព និងមិនខ្វល់ពី គំនិតអ្នកដ៏ទៃ ដែលគិតចំពោះអ្នក ចូលចិត្តដើរកំសាន្តច្រើន ឆាប់ប្រច័ន្ធស្មោះត្រង់ ព្រួយបារម្ភច្រើន ចូលចិត្ត ផ្នែកសិល្បះ និងអក្សរសាស្រ្ត ចូលចិត្តធ្វើអ្វីមួយ គឺឈរនៅកណ្តាល ឆាប់ឈឺចាប់ ប៉ុន្តែក៏អាចបាត់ទៅវិញផងដែរ ឆាប់បាត់បង់ទំនុកចិត្តលើខ្លួនឯង ស្រលាញ់ក្មេង ។ 

ជាពិសេសអ្នកជាមនុស្សសំណាងពីធម្មជាតិ ពីព្រោះថា នៅពេលដែលអ្នកសម្រេចចិត្តក្នុងគោលដៅ អ្វីមួយ នោះអ្នកតែងតែជួបវា ។

១១. សំរាប់អ្នកដែលកើតក្នុងខែ វិច្ឆិកា

ជាមនុស្សមានគំនិតច្រើន ពិបាកស្ទាបស្ទង់ជំរៅចិត្ត រឹងមាំស្វាហាប់ ក្លាហាន និងចិត្តល្អ ។ ចូលចិត្តនៅម្នាក់ឯង គំនិតតែងខុសពីអ្នកដ៏ទៃ ដាក់អារម្មណ៍ចំពោះរឿងស្នេហាជ្រាលជ្រៅ មានភាពរ៉ូមែនទិក និង សមត្ថភាពខ្ពស់ និងស្មោះត្រង់ ចង់ដឹងចង់លឺច្រើន អត់ធ្មត់ ហើយចូលចិត្ត តាំងចិត្ត យ៉ាងមុតមាំ និងមិនដែលរាថយ ក្នុងរឿងអ្វីមួយឡើយ ។

ជាពិសេស អ្នកនឹងអាចខ្លាយជាគ្រូពេទ្យម្នាក់នាថ្ងៃអនាគត ។

១២. សំរាប់អ្នកដែលកើតក្នុងខែ ធ្នូ

ជាមនុស្សចិត្តល្អ ស៊ិចស៊ីស្នេហាជាតិ មិនចេះអត់ធ្មត់ មួម៉ៅច្រើន មានមហិច្ចតា ចូលចិត្តអោយគេ កោតសរសើរខ្លួន ស្មោះត្រង់ និងមានគំនិត គិតប្រយោជន៍ផ្ទាល់ខ្លួនសកម្មក្នុងសង្គម ប៉ុន្តែពេលខ្លះ អ្នកមិនសូវ ចេះទទួលខុសត្រូវ ក្នុងកិច្ចការរបស់អ្នក ។ 

បន្ថែមពីនេះទៅទៀត មនុស្សដែលកើតក្នុងខែនេះ ភាគច្រើនតែងមានបញ្ហាកើតហឺត និង ប្រតិកម្ម ពីព្រោះអ្នកកើតចំខែត្រជាក់ ។ ប៉ុន្តែអ្នកជាមនុស្សមានសំណាងម្នាក់ ពីព្រោះទ្រព្យសម្បត្តិ និង ស្នេហា រត់មករកអ្នក ដោយងាយស្រួលបំផុត ។

មើលអំពី ចំណុចខ្លាំង ចំណុចខ្សោយមនុស្សកើតតាមថ្ងៃ

១. មនុស្សប្រុសស្រី កើតចំ ថ្ងៃ អាទិត្យ

- ចំណុចខ្សោយ ៈ ជាមនុស្សមិនសូវនិយាយច្រើនជាមួយមនុស្ស ដែលមិនសូវស្និទ្ធស្នាល តែពេលបាន នៅជាមួយមិត្តភ័ក្រ្ត ពូកែនិយាយ ពូកែលេងសើចច្រើន ពេលដែលស្រលាញ់នរណាម្នាក់ស្រលាញ់ អស់ ពីចិត្ត មុុខមាំ មិនសូវញញឹមជាមួយ មនុស្សប្លែកមុខ  ហើយត្រូវដៃគូស្នេហា យកប្រៀបលើជានិច្ច បញ្ហាអ្នកដទៃ ជួយដោះស្រាយបានល្អ តែបញ្ហាខ្លួនឯងវិញ បែរជាមិនចេះដោះស្រាយ ។

- ចំណុចខ្លាំង ៈ និស្ស័យហ៊ានខុស ហ៊ានទទួល ហើយហ៊ានឈឺក្នុងរឿងស្នេហា ហើយចូលចិត្តត្រលប់ទៅ ធ្វើរឿងដដែលៗ សារជាថ្មី ព្រមទាំងរឿងស្នេហា ផងដែរ ពេលដែលស្រលាញ់នរណាម្នាក់ហើយ ស្រលាញ់ ខ្លាំង អាចព្រមបានគ្រប់យ៉ាង ជាមនុស្សពូកែលាក់អារម្មណ៍ លាក់ទុកគ្រប់រឿងស្មុគស្មាញ មិនចង់ អោយមនុស្សនៅជុំវិញខ្លួន មកលំបាកជាមួយ ។

២. មនុស្សប្រុសស្រី កើតចំ ថ្ងៃ ច័ន្ទ

- ចំណុចខ្សោយ ៈ ចូលចិត្តសាងកំពែង ដូចមនុស្សដែលវាយរឹក តែការពិតជាមនុស្សងាយៗ ពេលដែល ស្រលាញ់នរណាម្នាក់ លះបង់អោយអស់ពីចិត្ត រហូតហួសហេតុ ធ្វើអោយម្ខាងទៀតមានអារម្មណ៍ ថាធុញម្តងៗ ពេលដែលខូចចិត្តក៏លិចលង់ជាមួយនឹងស្នេហាចាស់ បែបមនុស្សមានស្នេហ៍កប់ជ្រៅ មិនព្រមភ្លេចដោយងាយៗ តែរឿងខ្លះបែរជាឆាប់ភ្លេចដូចមនុស្សចាស់ ។

- ចំណុចខ្លាំង ៈ ជាមនុស្សញញឹម ញញែម ស្រស់ថ្លាមានគ្រប់ស្ថានការណ៍ ទោះបីខ្លួនឯងថាទុក្ខយ៉ាង ណាក៏ដោយ ពូកែលាក់អារម្មណ៍ ពេលខឹងអន់ចិត្ត ក៏មិននិយាយចេញមក ចូលចិត្តសេរីភាព មិនចូល ចិត្តនរណា មកបង្គាប់បញ្ជា រឿងស្នេហា ជាមនុស្ស ដែលស្រលាញ់នរណាស្រលាញ់តែម្នាក់ អ្នកផ្សេងចូល មកក៏មិនខ្ចីចាប់អារម្មណ៍ ។

៣. មនុស្សប្រុសស្រី កើតចំ ថ្ងៃ អង្គារ

- ចំណុចខ្សោយ ៈ ជាមនុស្សងាយៗ ឆាប់ខឹង ឆាប់បាត់ ពេលដែលស្រលាញ់នរណាម្នាក់ហើយ ក៏ស្រលាញ់ខ្លាំង អារឿងស្នេហានេះវាធ្វើអោយម្ខាងទៀត មានអារម្មណ៍ថាយើងជាមនុស្ស រករឿងច្រើន គួរអោយរំខាន គួរអោយធុញ តែពេលស្អប់នរណាម្នាក់ហើយគឺស្អប់ខ្លាំងដូចគ្នា ជាមនុស្សដែលចូលចិត្តអ្នកដ៏ទៃទាល់តែខ្លួនឯងលំបាកម្តងៗ ជាមនុស្សពូកែតូចចិត្ត តែក៏មិននិយាយអោយនរណាម្នាក់ ដឹង ។

- ចំណុចខ្លាំង ៈ ជាមនុស្ស ដែលមានបេះដូងឋិតឋេរ មានន័យថាបើរើសនរណាម្នាក់មកធ្វើជាសង្សារ ហើយ ក៏នឹងមើលថែរ និង ជួយយ៉ាងពេញទំហឹង រឿងក្បត់ចិត្តមិនបាច់បារម្ភ ព្រោះមនុស្សដែលកើត ក្នុងថ្ងៃនេះ ស្រលាញ់ហើយគឺស្រលាញ់យ៉ាងពិតប្រាកដ ជាមនុស្សចូលចិត្តលេងសើច ចូលចិត្តសាងស្នាមញញឹមអោយអ្នកដ៏ទៃ តែបើមានរឿងមិនសប្បាយចិត្តពេលណា អ្នកដ៏ទៃគ្មានផ្លូវនឹងដឹងឡើយ ព្រោះគេតែងតែរើសយកភាពស្ងប់ស្ងាត់ មិននិយាយស្តី ។

៤. មនុស្សប្រុសស្រី កើតចំ ថ្ងៃ ពុធ

- ចំណុចខ្សោយ ៈ ជាមនុស្សអារម្មណ៍ឆាប់ទន់ បើធ្វើអ្វីមួយក៏មិនបានដូចចិត្ត ពេលខ្លះខឹង ឆេវឆាវ ពេលខ្លះម៉ូម៉ៅតូចចិត្ត តែធ្វើជាមនុស្សដែលសោះអង្គើយ មិននិយាយស្តីអ្វីទាំងអស់ ជាមនុស្សដែលហ៊ានធ្វើហ៊ានទទួល ជាមួយរឿងស្នេហាជាមនុស្សដែលប៉ិនខ្មាស់ច្រើន មាត់រឹងចិត្តទន់ តែបើនិយាយ ថាស្រលាញ់គឺស្រលាញ់ពិតប្រាកដហើយ ។

- ចំណុចខ្លាំង ៈ ជាមនុស្សដែលអាចពឹងពាក់បាន​ បេះដូងរឹងមាំ ស្រលាញ់គឺស្រលាញ់ខ្លាំង តែបើស្អប់ គឺស្អប់ខ្លាំងដូចគ្នា មិនជ្រួលជ្រើមស្រលាញ់នរណាងាយៗ មិនចូលចិត្តស្រលាញ់នរណាងាយៗ តែបើ មនុស្សណាម្នាក់អាចស្រលាញ់យកឈ្នះបេះដូងគេបានហើយ ក៏មនុស្សដែលកើតក្នុងថ្ងៃនេះ នឹងលះបង់ គ្រប់យ៉ាង យ៉ាងពេញចិត្ត ទាំងគ្តីស្រលាញ់ ទាំងក្តីសុខ ទោះបីថាជាដូរជាមួយក្តីទុក្ខក៏ព្រម ។

៥. មនុស្សប្រុសស្រី កើតចំ ថ្ងៃ ព្រហស្បតិ៍

- ចំណុចខ្សោយ ៈ ជាមនុស្សដែលមានអារម្មណ៍ល្អ តែបើអាក្រក់ឡើងមកសក់អ្នកណាក្បាលអ្នកណឹង អត់ខ្វល់ អារម្មណ៍ប្តូរផ្លាស់លឿន មិនសូវចូលចិត្ត អោយអ្នកណាមករវល់ជាមួយ នឹងជីវិតផ្ទាល់ខ្លួន បើ ចង់ប្រាប់ក៏ប្រាប់ដោយខ្លួនឯង មិនចាំបាច់សួរច្រើន ជាមនុស្សពិបាកភ្លេច ព្រោះស្រលាញ់គេហើយមិន បានត្រៀមចិត្តសម្រាប់ឈឺ បើស្អប់អ្នកណាហើយគឺមិនខ្ចីមើលមុខ ចំពោះតែមនុស្សចិត្តរាយមាយ ។

- ចំណុចខ្លាំង ៈ ទោះបីអារម្មណ៍ទន់ងាយ តែចិត្តណែនរឹងខ្លាំងណាស់ បើស្រលាញ់នរណាហើយ ក៏ព្រម នៅក្បែរគេជានិច្្ច មិនថាសុខរឺទុក យកចិត្តទុកដាក់មើលថែនៅក្បែរពេលដែលមានបញ្ហា ជាមនុស្ស មាត់រឹង ចូលចិត្តប្រាប់អ្នកដ៏ទៃថាខ្លួនមិនកើតអី ទាំងដែលនៅក្នុងចិត្តមានរឿង យ៉ាប់ពូកែលាក់ទឹកភ្នែក តែបើថ្ងៃណាធ្លាយទឹកភ្នែកចេញមកគឺទប់លេងជាប់ហើយ ។

៦. មនុស្សប្រុសស្រី កើតចំ ថ្ងៃ សុក្រ

- ចំណុចខ្សោយ ៈ ជាមនុស្សដែលចូលចិត្តរាប់អានអ្នកដ៏ទៃងាយ តែក៏មិនងាយនឹងប្រគល់ចិត្ត តែ បើបានជាស្រលាញ់ហើយ គឺស្រលាញ់ខ្លាំងបំផុត ហើយពេលដែលគេ បោះបង់ក៏ខូចចិត្តខ្លាំងដូចគ្នា ជា មនុស្សមិនសូវគិតខ្វល់ច្រើន ជាមនុស្សអារម្មណ៍ល្អ ចូលចិត្តធ្វើអោយអ្នកដ៏ទៃមានក្តីសុខ តែពេលមានទុក្ខខ្លួនឯងគឺលាក់ទុកយកទៅគិតច្រើនម្នាក់ឯង ។

- ចំណុចខ្លាំង ៈ ជាមនុស្សដែលរៀនយល់ដឹងពីចំណុចខុសភ្លាត់យ៉ាងពូកែ ចេះឈឺចេះចាំ ចិត្តរឹង ពេល ស្រលាញ់នរណាហើយ គឺស្រលាញ់បែបសង្ឃឹមដល់ថ្ងៃដែលបានរៀបការជាមួយគ្នា ជួយដល់សង្សារគ្រប់ យ៉ាងតែបើមានអ្វីសូមអោយប្រាប់ នៅក្បែរគូរស្នេហ៍ជានិច្ច មិនផ្តេសផ្តាស់ជាមួយនឹងអ្នកដ៏ទៃ ព្រោះ មនុស្សដែលកើតក្នុងថ្ងៃនេះ ស្នេហ៍មួយចិត្តមួយ ។

៧. មនុស្សប្រុសស្រី កើតចំ ថ្ងៃ សៅរ៍

- ចំណុចខ្សោយ ៈ ជាមនុស្សដែលមើលពីខាងក្រៅដូចជាមនុស្សវ៉ៃរឹក តែបើស្គាល់គ្នាជិតស្និតវិញ ជា មនុស្សដែលប៉ិនលេងសើចខ្លាំងបំផុត ជាមនុស្សដែលចូលចិត្តគិត កង្វល់ក្នុងរឿងខ្លះ ហួងហែង ពេលខ្លះអ្នកដែលនៅក្បែរខ្លួន មានអារម្មណ៍ថាធុញ ចូលចិត្តលិចលុងជាមួយនឹងរឿង អតីតស្នេហ៍ចាស់ ពូកែទប់ទឹកភ្នែក ដូចមនុស្សដែលរឹងមាំ តែធាតុពិត គឹច្រើនលើកបំផុត ដែលតែងតែទៅលួច យំតែម្នាក់ឯង ។

- ចំណុចខ្លាំង ៈ ជាមនុស្សត្រង់ទៅត្រង់មក ស្រលាញ់ខ្លាំង ហើយស្អប់ក៏ខ្លាំងដែរ បើមាននរណាម្នាក់ មកធ្វើអាក្រក់ដាក់គេមុន គេនឹងតបទៅវិញយ៉ាងសាកសមបំផុត ត្រៀមទទួលមេរៀនគ្រប់យ៉ាង ឃើញស្ងៀមៗ តែកុំចង់សាកល្បងល្អជាង តែបើពេលស្រលាញ់នរណាហើយគឺស្រលាញ់អស់ពីបេះដូង លះបង់អស់ពីចិត្ត ល្អមកក៏ល្អត្រលប់ តែចាញ់មនុស្សដែលប៉ិនលួងលោមចិត្ត តែស្អប់ការកុហក និង ក្បត់ចិត្តខ្លាំងបំផុត ។

ជំនឿ និស្ស័យ តាមរយៈ ថ្ងៃ កំណើតទាំងប្រាំពីរ

ថ្ងៃអាទិត្យ 

+មនុស្សប្រុស-ស្រីណាកើតថ្ងៃអាទិត្យ ទំនាយទាយថា ជាមនុស្សមានភ័ព្វសំណាល្អ មិនសូវលោភលន់នឹងទ្រព្យសម្បត្ដិ ចេះមានគំនិតសន្សំសំចៃ ចេះមានចិត្ដស្រឡាញ់រាប់អានបងប្អូន មានប្រាជ្ញាឈ្លាសវៃ និងមានចិត្ដមោះមុតក្លាហាន ពុះពារគ្រប់ឧបសគ្គ អ្នកនោះជាអ្នកមានវេហាចរចាពិរោះ វាសនាបុណ្យសក្ដិកើតឡើងដោយសារការប្រឹងប្រែងរបស់ខ្លួន ជាមនុស្សសម្បូរទៅដោយមិត្ដភក្ដិ។ បុគ្គលពួកនេះគួរប្រើសម្លៀកបំពាក់ពណ៌ក្រហម ទើបសមគួរ។

ថ្ងៃច័ន្ទ 

+មនុស្សប្រុស-ស្រីណាកើតថ្ងៃចន្ទ ទំនាយទាយថា ជាមនុស្សអភ័ព្វញាតិការ ចិត្ដច្រើនងាករេ បើសេពគប់មិត្ដភក្ដិ ល្អតែមុនដំបូង លុះចុងក្រោយទៅច្រើនសោះអង្គើយដាក់គ្នា ជាមនុស្សជួយយកអាសាគេ មិនបាននាំឱ្យមានទុក្ខទោសដល់ខ្លួន លាភសក្ការៈបានមកទុកដាក់មិនសូវគង់វង្ស តែជាមនុស្សមានថ្វីមាត់ និយាយស្ដីអ្វីច្រើនមានគេយកចិត្ដទុកដាក់ស្ដាប់។ បុគ្គលពួកនេះគួរប្រើសម្លៀកបំពាក់ពណ៌លឿង ទើបសមគួរ។

ថ្ងៃអង្គារ 

+មនុស្សប្រុស-ស្រីណាកើតថ្ងៃអង្គារ ទំនាយទាយថា ជាមនុស្សមានចិត្ដស្លូតបូតនឹងន លាភសក្ការៈច្រើនរកបានដោយការប្រឹងប្រែងរបស់ខ្លួន អាចរក្សាទ្រព្យសម្បត្ដិគង់វង្ស ជាមនុស្សមានសម្តីចរចាពិរោះ គួរជាទីស្រឡាញ់នៃអ្នកផងទាំងពួង តែពឹងពាក់អ្នកដទៃមិនបាន។ បុគ្គលពួកនេះគួរប្រើសម្លៀកបំពាក់ពណ៌ក្រហមជាំ ទើបសមគួរ។ 

ថ្ងៃពុធ 

+មនុស្សប្រុស-ស្រីណាកើតថ្ងៃពុធ ទំនាយទាយថា ជាមនុស្សមានភ័ព្វសំណាង សល់ទ្រព្យសម្បត្ដិច្រើន ជាមនុស្សមានគំនិតសន្សំសំចៃ សេពគប់មិត្ដភក្ដិ ច្រើនមិនសូវសមប្រកប មានគេច្រណែននិន្ទាឈ្នានីស ជាមនុស្សមើលស្រាលចំពោះការងារ ធ្វើគុណដល់គេ ច្រើនបានទោសមកវិញ។ បុគ្គលពួកនេះគួរប្រើសម្លៀកបំពាក់ពណ៌ស្លឹកឈើចាស់ ទើបសមគួរ។

ថ្ងៃព្រហស្បតិ៍ 

+មនុស្សប្រុស-ស្រីណាកើតថ្ងៃព្រហស្បតិ៍ ទំនាយទាយថា ជាមនុស្សប្រកបដោយចំណេះវិជ្ជាខ្ពង់ខ្ពស់ មានប្រាជ្ញាឈ្លាសវៃ ជាមនុស្សសម្តីតិច មិនសូវចូលចិត្ដចរចាច្រើនឥតប្រយោជន៍ ញាតិផងទាំងពួងចោមស្រឡាញ់រាប់អាន ជាមនុស្សដែលមានចិត្ដអង់អាចក្លាហាន ហ៊ានពុះពារគ្រប់ឧបសគ្គ តែជាមនុស្សចូលចិត្ដ លេងល្បែងភ្នាល់ផ្សេងៗ។ បុគ្គលពួកនេះ គួរប្រើសម្លៀកបំពាក់ពណ៌ស្លាទុំ ទើបសមគួរ ។ 

ថ្ងៃសុក្រ 

+មនុស្សប្រុស-ស្រីកើតថ្ងៃសុក្រ ទំនាយទាយថា ជាមនុស្សដែលមានគូច្រើន បើប្រុសវិញច្រើនធ្វើឱ្យស្រីៗចូលចិត្ដ និងមានគេនាំលាភយកមកឱ្យជារឿយៗ ជាមនុស្សប្រកាន់នូវពាក្យសម្ដីរបស់ខ្លួន កាលនៅពីតូចអភ័ព្វញាតិការ លុះធំឡើងកាលណាទើបសម្បូរទៅដោយទ្រព្យសម្បត្ដិថ្កុំថ្កើងរុងរឿងឡើងវិញ។ បុគ្គលពួកនេះគួរប្រើសម្លៀកបំពាក់ពណ៌ត្រាវ ឬពណ៌ស ទើបសមគួរ។ 

ថ្ងៃសៅរ៍ 

+មនុស្សប្រុស-ស្រីណាកើតថ្ងៃសៅរ៍ ទំនាយទាយថា ជាមនុស្សដែលមានចិត្ដកំណាញ់ តែចេះយកចិត្ដគាប់គួរចំពោះអ្នកដទៃ ធ្វើការអ្វីៗខ្ជីខ្ជា ច្រើនតមទាស់តមាត់ចំពោះបងប្អូនឯង ចង់សេពគប់ មិត្ដភឿននឹងនាំទុក្ខភ័យដល់ខ្លួន និយាយស្ដីអ្វីច្រើនជឿទុកចិត្ដលើគេ។ បុគ្គលពួកនេះគួរប្រើសំសម្លៀកបំពាក់ពណ៌ស្វាយ ទើបសមគួរ ។

ប្រភពអត្ថបទៈ សៀវភៅអក្សរសាស្រ្តខ្មែរ