ដើម្បីពង្រឹងរាងកាយ និងបង្កើនចំណង់ផ្លូវភេទ គួរទទួលទានពងទាកូន

យោងតាមការសិក្សាស្រាវជ្រាវ របស់ក្រុមវិជ្ជបណ្ឌិត បានអោយដឹងថា ពងទាកូន វាមានអត្ថប្រយោជន៍ សម្រាប់ បង្កើនចំណង់ផ្លូវភេទ និង ជួយពង្រឹងដល់រាងកាយមនុស្សទៀតផង ។

ខាងក្រោមនេះគឺជា វិធីសាស្រ្ត ក្នុងការទទួលទាន ពងទាកូន ដើម្បីអោយមានប្រយោជន៍ចំពោះសុខភាព៖

យោងតាម ក្រុមគ្រូពេទ្យ បុរាណ បានអោយដឹងថា ពងទាកូនជួយអោយរាងកាយឆាប់ធំធាត់ ។ នៅក្នុងពងទាកូន មានផ្ទុក ថាមពល រហូតដល់ ១៨២ គីឡូកាឡូរី ប្រូតាអ៊ីន ១៣.៦ក្រាម លីពិត ១២.៤ក្រាម ជាតិកាល់ស្យូម ៨២មីលីក្រាម ជាតិកូឡេស្តេរ៉ូល ២១២មីលីក្រាម និងផូស្វ័ររីក ៦០០ក្រាម ។ មិនត្រឹមតែប៉ុណ្ណោះ ពងទាកូន ក៏នៅមាន សារធាតុ ប៊ែតាការ៉ូទី វីតាមីន A B C ជាតិដែក ជាច្រើនទៀត ។

តែទោះបីជាយ៉ាងណាក៏ដោយ ដោយសារតែពងទាកូន ផ្ទុកនូវកម្រិតប្រូតេអ៊ីន និងជាតិកូឡេស្តេរ៉ូលខ្ពស់ ទើបក្រុមគ្រូពេទ្យបូរាណ ណែនាំអោយជៀងវាង ការទទួលទាន ពងទាកូន នៅពេលយប់ ព្រោះអាច បណ្តាលអោយខូចសុខភាព ហើមពោះ ខូចប្រព័ន្ធរំលាយអាហារ ។

ពេលវាលា ដែលសាកសម បំផុកក្នុងការទទួលទាន ពងទាកូន គឺនៅពេលព្រឹក តែកុំុំញឹកញាប់ពេក និង កុំច្រើនពេក ។

ជីពងទាកូន, ខ្ញីជួយអោយក្តៅក្នុងពោះ, ប្រឆាំងនិឹងអាការៈហើមពោះ និងសំលាប់បាក់តេរី ដូច្នេះ វាមានប្រសិទ្ធិភាព ព្យាបាលអាការៈផ្តាសាយ ហើមពោះ និងខ្សោយប្រព័ន្ធរំលាយអាហារ ។

តើអ្នកណាខ្លះមិនគួរទទួលទានពងទាកូន

កូនក្មេងអាយុក្រោម ០៥ឆ្នាំ មិនគួរទទួលទាន រឺទទួលទានពងទាកូនច្រើនពេកនោះទេ។ ដោយសារ ប្រព័ន្ធរំលាយអាហាររបស់ក្មេងមិនទាន់បានលូតលាស់ពេញលេញ, អាចបណ្តាលអោយហើមពោះ, ខូច ប្រព័ន្ធរំលាយអាហារ, និងប៉ះពាល់ដល់សុខភាពធ្ងន់ធ្ងរ។

ក្មេងអាយុ ៥ឆ្នាំ និងលើសពីនេះ គួរទទួលទានតែពាក់កណ្តាលគ្រាប់ ត្រឹមតែ ១-២ដងក្នុង ១សប្តាហ៍ពិតជាគ្រប់គ្រាន់។

ការទទួលទានពងទាកូនក៏អាចជួយបង្កើនវីតាមីន A ប្រឆាំងនឹងជម្ងឺកើតលឿង, ជម្ងឺសើស្បែក, ជួយឲ្យក្មេងលូតលាស់បានល្អ។

ច្រើនជាងនេះទៅទៀត មនុស្សមានជាតិខ្លាញ់ច្រើន, មនុស្សចាស់, អ្នកលើសឈាម, ទឹកនោមផ្អែម, អ្នកមានជម្ងឺសរសៃឈាមបេះដូង គួរតែទទួលទានវាតាមកំណត់។ ជាពិសេស មនុស្សពេញវ័យមានសុខភាពល្អ គួរទទួលទានពងទាកូន ២គ្រាប់ក្នុង ១សប្តាហ៍។

យោងតាមក្រុម វេជ្ជបណ្ឌិត បានឲ្យដឹងថា ពងទាកូនជាអាហារពិសេស ក្នុងការជួយបង្កើនចំណង់តណ្ហាផ្លូវភេទ និងពង្រឹងរាងកាយ។

ពងទាកូនតែងតែត្រូវបានគេទទួលទាន ជាមួយខ្ញី និងជីក្រអូប។ នេះជាធាតុផ្សំត្រូវគ្នាបំផុត នាំឲ្យរាងកាយមានតុល្យភាព។

ជាពិសេស ដោយសារ សក្តានុពល នៃពងទាកូន ធ្វើឲ្យចំណង់តណ្ហាផ្លូវភេទកើនឡើង ទើបធ្វើឲ្យមនុស្សទទួលទានវាជាមួយនឹងជី ដើម្បីកាត់បន្ថយសម្រើបក្រោយពេលទទួលទានវារួច។

ចំពោះស្ត្រី ការទទួលទានជី, ខ្ញីច្រើនអាចបណ្តាលឲ្យរលូតកូន ដោយសារកម្តៅ។ ដូច្នេះចំពោះស្ត្រីមានផ្ទៃពោះគួរតែទទួលទានពងទាកូន ដោយមិនចាំបាច់ទទួលទានជាមួយខ្ញី និងជីឡើយ។

ចំពោះបុរស និងស្ត្រីធម្មតាដែលឧស្សាហ៍ទទួលទានជីញឹកញាប់ អាចបណ្តាលឲ្យចំណង់តណ្ហាថយចុះ ហើយបុរសអាចគ្មានកូន។

ខាងក្រោមនេះជាហេតុផលមួយចំនួន នៃការបរិភោគពងទាកូន៖

ទី១. ហេតុអីត្រូវញ៉ាំពងទាកូនជាមួយជី?

បើតាមពេទ្យបុរាណ ជីពងទាកូនមានជាតិហឹរក្តៅ អាចជួយកម្តៅក្រពះ ការពារមិនឲ្យហើមពោះ។ ក្រៅពីនេះ វានៅមានអត្ថប្រយោជន៍ច្រើនទៀតដូចជា ធ្វើឲ្យភ្នែកភ្លឺ ជំនួយខួរក្បាល សរសៃឈាម… ហេតុនេះ ជីពងទាកូនត្រូវបាននិយមចូលចិត្តខ្លាំង។ ពងទាកូនញ៉ាំជាមួយជីដើម្បីងាយស្រួលក្នុងការរំលាយ ការពារហើមពោះ។

ពងទាកូនមិនត្រឹមតែជាអាហារដែលបានពេញនិយមច្រើន វានៅជាប្រភេទថ្នាំជំនួយខួរក្បាល សរសៃឈាម ធ្វើឲ្យរាងកាយមាំមួន រីឯជីជួយកម្តៅក្បាលពោះ ងាយស្រួយរំលាយពេលញ៉ាំរួច។

ទី២. គួរបរិភោគពងទាកូននៅពេលណា?

យើងគួរបរិភោគពងទាកូននៅពេលព្រឹក ចៀសវាងបរិភោគនៅពេលយប់ ពីព្រោះវាជាប្រភេទអាហារដែលពិបាករំលាយ បើបរិភោគវេលាយប់ ពេលចូលគេងវាពិបាកក្នុងការរំលាយបណ្ដាលឲ្យហើមពោះ។

ទី៣. ចំនួនត្រូវបរិភោគប៉ុន្មានទើបល្អ?

តាមការស្រាវជ្រាវឃើញថា ក្នុងមួយគ្រាប់ពងទាកូនមាន ១៨២ក្រាម ថាមពល, ១៣,៦ ក្រាម protein, ១២,៤ ក្រាម lipit, ៨២ មីលីក្រាម calcium, ២១២ ក្រាម phosphorus, ៦០០ មីលីក្រាម cholesterol។ ក្រៅពីនេះ នៅមានជាតិ វីតាមីនក្រុម A, ក្រុម B, វីតាមីន C និងជាតិដែកជាដើម។

ពងទាកូនជាអាហារមានជាតិបំប៉នខ្ពស់ ហេតុនេះ បរិភោគច្រើននាំឲ្យកើន cholesterol ក្នុងឈាម ដែលជាមូលហេតុបង្កឲ្យមានជម្ងឺទាក់ទង នឹងប្រព័ន្ធឈាម និងជម្ងឺទឹកនោមផ្អែម។ បរិភោគពងទាកូនច្រើនក៏ធ្វើឲ្យសល់ជាតិវីតាមីនA បណ្តាលឲ្យជាតិនេះកកនៅក្រោមស្បែក ធ្វើឲ្យកើតជម្ងឺលឿងស្បែក របកស្បែក ប៉ះពាល់ដល់ឆ្អឹង។ ហេតុនេះ មនុស្សពេញវ័យគួរបរិភោគត្រឹម២គ្រាប់ក្នុងមួយសប្ដាហ៍។

ទី៤. ក្មេងអាចបរិភោគពងទាកូនបានទេ?

ក្មេងដែលមានអាយុក្រោម៥ឆ្នាំមិនគួរបរិភោគពងទាកូនឡើយ ដោយសារប្រព័ន្ធរំលាយអាហារនៅខ្ចី អាចបណ្តាលឲ្យហើមពោះ ប៉ះពាល់ដល់សុខភាព។ ក្មេងមានអាយុចាប់ពី៥ឆ្នាំឡើង គួរតែបរិភោគ១/២គ្រាប់ក្នុងមួយដង ហើយក្នុងមួយអាទិត្យអាចបរិភោគ១-២ដងតែប៉ុណ្ណោះ។

ទី៥. ស្ត្រីមានផ្ទៃពោះបរិភោគពងទាកូនកាន់តែច្រើនកាន់តែល្អឬ?

ដោយសារតែពងទាកូនមានជាតិបំប៉នច្រើន ហេតុនេះមិនគួរបរិភោគរាល់ថ្ងៃឡើយ។ ចំពោះស្ត្រីមានផ្ទៃពោះ គួរតែបរិភោគចំនួន២គ្រាប់ក្នុងមួយសប្ដាហ៍តែប៉ុណ្ណោះ ប៉ុន្តែមិនត្រូវញ៉ាំទាំង២គ្រាប់ក្នុងមួយដងដែរ។ ត្រូវចាំថា ស្ត្រីមានផ្ទៃពោះត្រូវញ៉ាំជីតិចបំផុត ឬមិនញ៉ាំកាន់តែល្អពីព្រោះវាអាចប៉ះពាល់ដល់កូនក្នុងផ្ទៃ។